notaria.org: para os notarios galegos |
DOAZÓN
NÚMERO
Na Vila de **, a miña residencia, provincia
de Ourense, a día **, perante min, *** Notario do Ilustre Colexio de
Galicia,
COMPARECEN:
Dunha parte:
Dona **, maior de idade, casada, veciña
de San Cristovo De Cea, provincia de Ourense, con domicilio en **, e con D.N.I.
número **.
Doutra parte, a súa filla:
Dona **, maior de idade, casada, veciña
de A Coruña, provincia da Coruña, con domicilio en **, e con D.N.I.
número **.
INTERVEÑEN no seu propio nome e dereito.
Identifícoas polos seus salientados documentos.
As restantes circunstancias persoais constan segundo as súas manifestacións.
Xúlgoas, tal e como interveñen, con capacidade para outorgar esta
escritura e ó efecto,
EXPOÑEN
I.- Que ** é dona da seguinte finca sita
no lugar e municipio de San Cristovo de Cea:
RÚSTICA.- Lameiro chamado “REGUIÑA”
que ten unha superficie duns setecentos sesenta e cinco metros cadrados e que
linda: Norte, Rúa da Saleta; Sur, **; Leste, **; e Oeste, **.
TÍTULO.- Segundo manifesta perténcelle
por herdanza de Dona ** e foille adxudicada en escritura outorgada perante min,
nesta vila do Carballiño, o día de hoxe, baixo o número
anterior de protocolo.
INSCRICIÓN.- Non consta inscrita, segundo
manifesta, polo que lles advirto dos requisitos establecidos pola lexislación
vixente para a inmatriculación dos inmobles no rexistro da propiedade.
DATOS CATASTRAIS.- Ten a referencia catastral
número **, segundo resulta da certificación catastral que me exhiben,
e da que obteño fotocopia fiel para unir a esta matriz.
CARGAS E ARRENDOS.- Din que se atopa libre dunhas
e doutros.
II.- E, exposto canto antecede, pola presente,
OUTORGAN
PRIMEIRO.- Dona ** DONA á súa filla
Dona **, que ACEPTA, agradecida, o pleno dominio do inmoble descrito na exposición
desta escritura.
SEGUNDO.- Os honorarios desta escritura serán
a cargo da parte donataria.
TERCEIRO.- A efectos fiscais valoran a finca obxecto
desta escritura en **.
A efectos fiscais a donataria fai constar que
é maior de vinte e un anos, que o seu patrimonio preexistente é
inferior a trescentos sesenta mil seiscentos sete euros, que esta é a
primeira doazón que recibe da donante nos últimos tres anos e
que fixa como domicilio para notificacións e requirimentos o que consta
na comparecencia.
Fago as advertencias previstas nos artigos 175
e 249 do Regulamento notarial.
As comparecentes manifestan quedar informadas
e solicitan a non presentación telemática e a non presentación
por fax desta escritura no rexistro da propiedade.
Advirto expresamente de que os bens transmitidos
quedan afectos por ministerio da Lei ó pago do IBI respecto dos períodos
non prescritos.
Fago as demais reservas e advertencias legais, especialmente as fiscais, advertíndolle
ás comparecentes da obrigación de presentar este documento a liquidación
no prazo de trinta días hábiles dende a súa data, a afección
dos bens ó pago do imposto, a responsabilidade en que incorrerían
en caso de incumprimento, e, en xeral, das obrigas e responsabilidades tributarias
que incumben a uns e outros nos aspectos material, formal e sancionador, e das
consecuencias de toda índole que poderían derivarse, no seu caso,
da inexactitude das súas declaracións.
Fíxenlle ás comparecentes as reservas
e advertencias da LO 15/1999 de protección de datos de carácter
persoal. Dacordo co establecido na Lei Orgánica 15/1999 as comparecentes
quedan informadas e aceptan a incorporación dos seus datos (e copia do
seu DNI nos casos previstos na Lei) ó protocolo notarial e ós
ficheiros da Notaría, que se conservarán nesta con carácter
confidencial, sen prexuízo das comunicacións ás Administracións
Públicas que estipula a Lei, e, no seu caso, ó notario que suceda
ó actual na praza. A súa finalidade é realizar a formalización
deste instrumento público, a súa facturación e seguimento
posterior e as funcións propias da actividade notarial. Poden exercitar
o seu dereito de acceso, rectificación, cancelación e oposición
na notaría autorizante.
Dou fe de identificar ás comparecentes,
de que ó meu xuízo teñen, no modo en que interveñen,
capacidade e lexitimación para este outorgamento, de que o seu consentimento
foi libremente prestado, e de que o outorgamento se adecúa á legalidade
e á vontade debidamente informada das outorgantes ou intervenientes.
Leo esta escritura ás comparecentes, pola
súa elección, e, manifestando quedar enteradas e debidamente informadas
do contido desta escritura pública á que prestan o seu libre consentimento,
apróbana e asínana comigo, o notario, que de todo o expresado
neste instrumento público, estendido en catro folios de papel exclusivo
para documentos notariais da serie **, números **, DOU FE.
"O que converte a vida nunha bendición non é facer o que nos gusta, senon que nos guste o que facemos." (GOETHE)
"Non me resigno a que, cuando eu morra, siga o mundo coma se eu non houbera vivido" (Pedro Arrupe)
Benvid@, a notaria.org
Contador
Que teña vostede un bo día