notaria.org: para os notarios galegos |
HERDANZA
NUMERO
Na Vila de **, a miña residencia, provincia
de Ourense, a día ***, perante min, **, Notario do Ilustre Colexio de
Galicia,
COMPARECEN:
Dona
**, maior de idade, solteira, veciña de San Cristovo De Cea, provincia
de Ourense, con domicilio en **, e con D.N.I. número **.
Don **
INTERVEÑEN no seu propio nome e dereito.
Identifícoas polos seus sinalados documentos
de identidade. As restantes circunstancias persoais constan segundo as súas
manifestacións. Xúlgoos, tal e como interveñen, con capacidade
para outorgar esta escritura.
EXPOÑEN
I.- Que Dona
** con D.N.I. número ** faleceu o día **, en **, en estado de
casada con Don **, e deixando sete fillos chamados ***.
Que a devandita causante faleceu baixo outorgado
testamento perante o Notario de Ourense, Don **, o día **, baixo o número
** de protocolo.
Certificados de defunción e do Rexistro
Xeral de Actos de Última Vontade e Copia do citado testamento acompañaranse
á copia desta escritura.
II.- INVENTARIO E VALORACIÓN.- Que entre
os bens que quedaron ó falecemento de Dona ** está o seguinte,
sito no lugar e municipio de San Cristovo de Cea (Ourense):
RÚSTICA.- Lameiro chamado “REGUIÑA”
que ten unha superficie duns setecentos sesenta e cinco metros cadrados e que
linda: Norte, Rúa da Saleta; Sur, **; Leste, **; e Oeste, **.
TÍTULO.- Segundo manifesta perténcelle
por herdanza de Dona **.
INSCRICIÓN.- Non consta inscrita, segundo
manifesta, polo que lles advirto dos requisitos establecidos pola lexislación
vixente para a inmatriculación dos inmobles no rexistro da propiedade.
DATOS CATASTRAIS.- Ten a referencia catastral
número **, segundo resulta do recibo do IBI que me exhiben, e do cal
obteño fotocopia fiel para unir a esta matriz.
CARGAS E ARRENDOS.- Áchase libre dunhas
e doutros, segundo afirman os expoñentes e segundo resulta de información
rexistral obtida por fax, fotocopia do cal incorporo a esta matriz.
Advirto expresamente ós comparecentes que
en todo caso prevalecerá a situación rexistral existente con anterioridade
á presentación de copia autorizada desta escritura no rexistro
da propiedade.
Valórase a finca antes descrita en **.
III.- IMPOSTO SUCESORIO.- Manifestan que foi declarada
prescrita a devandita herdanza pola Oficina Liquidadora do Carballiño
o día **.
OUTORGAN:
PRIMEIRO.- Don**,.. e Don **, aceptan pura e simplemente
a herdanza deferida ó seu favor polo falecemento de Dona ** e a conta
de dita herdanza adxudícanse por partes iguais o pleno dominio da finca
descrita na exposición desta escritura.
SEGUNDO.- CERTIFICADO DO REXISTRO DE CONTRATOS
DE SEGUROS DE COBERTURA DE FALECEMENTO. Fago as reservas e advertencias legais
oportunas relativas ó dito rexistro, e ademais expresamente fago constar
que no caso de que do certificado do rexistro se desprenda a existencia dalgún
seguro con cobertura de falecemento, informo ós interesados do disposto
pola normativa reguladora do contrato de seguro en relación á
designación de beneficiario e, en particular, no primeiro parágrafo
do artigo 88 da Lei 50/1980, de 8 de outubro, de Contrato de Seguro, facendo
as advertencias oportunas a fin de que os interesados coñezan que a existencia
do contrato de seguro non presupón a existencia de ningún dereito
a favor dos herdeiros nin implica a obrigación de integrar as prestacións
que puidesen derivarse do contrato de seguro no caudal hereditario.
Os interesados non achegan o certificado do rexistro
xeral de contratos de seguros de cobertura de falecemento, e solicitan que se
outorgue a presente escritura sen incorporar o devandito certificado e sen que
o mesmo se solicite tampouco polo Notario polo procedemento telemático
previsto, debido a que pasaron máis de cinco anos e dezaseis días
desde o falecemento do causante, e tendo en conta o disposto no artigo 11 3ª
do RD 398/2007, de 23 de marzo.
Fago as advertencias previstas nos artigos 175
e 249 do Regulamento notarial.
Os comparecentes manifestan quedar informadas
e solicitan a non presentación telemática e a non presentación
por fax desta escritura no rexistro da propiedade.
Advirto expresamente de que os bens transmitidos
quedan afectos por ministerio da Lei ó pago do IBI respecto dos períodos
non prescritos.
Fago as demais reservas e advertencias legais, especialmente as fiscais, advertíndolle
ós comparecentes da obrigación de presentar este documento a liquidación
no prazo de trinta días hábiles dende a súa data, a afección
dos bens ó pago do imposto, a responsabilidade en que incorrerían
en caso de incumprimento, e, en xeral, das obrigas e responsabilidades tributarias
que incumben a uns e outros nos aspectos material, formal e sancionador, e das
consecuencias de toda índole que poderían derivarse, no seu caso,
da inexactitude das súas declaracións.
Fíxenlle ós comparecentes as reservas
e advertencias da LO 15/1999 de protección de datos de carácter
persoal. De acordo co establecido na Lei Orgánica 15/1999 os comparecentes
quedan informados e aceptan a incorporación dos seus datos (e copia do
seu DNI nos casos previstos na Lei) ó protocolo notarial e ós
ficheiros da Notaría, que se conservarán nesta con carácter
confidencial, sen prexuízo das comunicacións ás Administracións
Públicas que estipula a Lei, e, no seu caso, ó notario que suceda
ó actual na praza. A súa finalidade é realizar a formalización
deste instrumento público, a súa facturación e seguimento
posterior e as funcións propias da actividade notarial. Poden exercitar
o seu dereito de acceso, rectificación, cancelación e oposición
na Notaría autorizante.
Dou fe de identificar ós comparecentes,
de que ó meu xuízo teñen, no modo en que interveñen,
capacidade e lexitimación para este outorgamento, de que o seu consentimento
foi libremente prestado, e de que o outorgamento se adecúa á legalidade
e á vontade debidamente informada dos outorgantes ou intervenientes.
Leo esta escritura ós comparecentes, pola
súa elección, e, manifestando quedar enterados e debidamente informados
do contido desta escritura pública á que prestan o seu libre consentimento,
apróbana e asínana comigo, o Notario, que de todo o expresado
neste instrumento público, estendido en catro folios de papel exclusivo
para documentos notariais da serie **, números **, DOU FE.
"O que converte a vida nunha bendición non é facer o que nos gusta, senon que nos guste o que facemos." (GOETHE)
"Non me resigno a que, cuando eu morra, siga o mundo coma se eu non houbera vivido" (Pedro Arrupe)
Benvid@, a notaria.org
Contador
Que teña vostede un bo día